Suspek nga nagpatay sa babaye sa McArthur La Paz sang nagligad nga semana, nadakpan!

Suspek nga nagpatay sa babaye sa McArthur La Paz sang nagligad nga semana, nadakpan!

Iloilo City — Nadakpan kaina sang kaagahon ang suspek sa pagpatay sa babaye sa McArthur La Paz sang nagligad nga semana.

12743687_1532021720425440_4935952767650558482_n
Ang suspek nga si Ricardo Barrido. (Photo by Aksyon Jorge Cabrera)

Ginkilala ang suspek kay Ricardo Barredo, 24 anyos sang Sitio Dapdap, Gen. Hughes, City Proper.

Pero ginpanginwala ni Barredo nga siya ang nagbuno patay kay Claire Tomesa, 29-anyos sang Aguinaldo La Paz.

May tatlo ka pilas sa dughan si Tomesa nga gintunaan sang iya kamatayon.

Daku naman ang pasalamat sang pamilya ni Claire nga nadakpan na ang suspek sa pagpatay sa iya.

Suno kay Jovie Navales nga bana sang magulang ni Claire, nalipay ang ila pamilya kasunod sang pagkadakup Barredo.

Nagpasalamat si Navales kay Senior Inspector Edgar Anonoy, hepe sang La Paz PNP, nga wala nag-untat sa pagpangita sa suspek.

Nagapati si Navales nga nagagamit sang illegal drugs si Barredo rason nga nahimo ang krimen. (JoMaque)

Archives, Gallery, News

Related posts

Leave a Comment