SWAT Team sang IPPO, naghimo sang Simulation Exercise sa Hostage-taking negotiation!

Sta. Barbara, Iloilo — Naghimo sang simulation exercise sa hostage-taking incident ang SWAT teams sang Iloilo Police Provincial Office (IPPO) sa Sta. Barbara kahapon.

Ginpahayag ni Sr/Supt Camilo Cascolan, Deputy Regional Director for Administration sang PRO 6 nga amo ang nag-assess sa exercise nga madamo sang kulang nga kagamitan ang SWAT team sa Iloilo.

Ginalauman sini nga maka-request sang bag-o nga equipment sa national government kag magabulig man ang mga local government units.

Wala sang problema suno sa iya sa abilidad sang SWAT team bangud napamatud-an na ini sang IPPO SWAT sa gintuga nga standoff ni PO2 Gary Catedral sa El Haciendero Private Hotel sa Jaro sang nagligad nga semana.

Ang IPPO SWAT amo ang nag-assault sa hotel makaligad napaslaw ang 23 ka oras nga negosasyon sang Iloilo City Police Office kag na-neutralize si Catedral sa sulod lang sang isa ka minuto. (JoMaque)