Mga pulis sang Iloilo City Police Office, ipaidalum sa Capability Enhancement Training

Mga pulis sang Iloilo City Police Office, ipaidalum sa Capability Enhancement Training
GILBERT GORERO
PRO 6 spokesperson Supt. Gilbert Gorero

 

 

 

 

 

Iloilo City— Ipa-idalum sa Capability Enhancement Training ang tanan nga pulis sang Iloilo City Police Office.

Kabahin ini sang programa ni Philippine National Police Chief Director General Ricardo Marquez nga B2B ukon Back-to-Basic agud mapahadumdom sa mga pulis ang ila responsibilidad. Separado ini sa regular nga basic training sang mga pulis.

Sa karon, may ginhanas na ang Police Regional Office 6 halin sa Public Safety Company. Sila ang magabulos sa mga pulis sang ICPO-Police Station 1 nga amo ang una nga ipa-idalum sa retraining nga magalawig sang masobra isa ka bulan.

Ginpa-athag ni Gorero nga pagkatapos sang Police Station 1, isunod man sa liwat nga paghanas ang iban pa nga police stations sang ICPO.

Ginpa-athag ni Gorero nga wala sang exemption sa retraining, halin sa pinakamanubo nga ranggo tubtob sa station commander. (JoMaque)

Archives, Gallery, News

Related posts

Leave a Comment