Task Force on Moral and Values Formation Head Jorge Duron, komporme sa positibo nga resulta sang relaunching sang Curfew for Minors Ordinance

Iloilo City–Komporme si Task Force on Moral and Values Formation Head Jorge Duron nga maayo ang resulta sang mas istrikto nga relaunching sang Curfew for Minors Ordinance.

Suno kay Duron, nahangpan na sang mga ginikanan ang ila responsibilidad kag konsekwensya kon madakpan ang ila menor-de-edad nga kabataan nga nagalapas sa ordinansa. Sige-sige naman ang information dissemination sang task force upod sa concerned government agencies suno kay Duron kag naga-upod man ang mga barangay officials sa mas istrikto nga pagpatuman sang ordinansa.

Una na nga ginpabutyag ni Punong Barangay Azucena Tabuyok sang San Rafael, Mandurriao nga halos wala na sila sang makita nga mga minors nga nagalagaw sa curfew hours sa paglibot nila kada gab-i. Makita sa San Rafael ang ginakabig nga night hub sang syudad. (AGB)

Archives, Gallery, News, SlideshowGallery

Related posts

Leave a Comment