Tatlo ka Kaupod ni Councilor Plaridel Nava, Ginpahayag Nanumbag bangud sa Away sa Trapiko

Iloilo City — Ginpa-blotter sang technician/driver ang pagsumbag sa iya sang ginpahayag mga kaupod ni Councilor Plaridel Nava bangud sa away sa trapiko kahapon.

Gintudlo ni Simon Pejastro III sang Trapiche Oton ang tatlo ka kaupdanan sang konsehal sa hi-lux nga gray nga iya dyutayan lang masapding samtang nagabiyahe pa-Lapuz.

Suno kay alyas James nga kaupod ni Pejastro sa multicab, ginpadulog sila sang kaupod ni nava kag ginpalapitan sang tatlo sa mga ini.

Gulpi suno kay James nga ginsumbag sang mga ini si Pejastro sa guya.

Suno pa kay James, nagpanaug man sang ulihi sa salakyan ang konsehal kag ginhambalan si Pejastro nga kay-uhon na lang ang pagdrive.

Wala naka-duty sa nagapangkay-o sang aircon units sa Lapuz si Pejastro bangud nga nagasakit pa ang iya guya. (JoMaque)