Tatlo, patay sa Aksidente sang Salakyan!

Tatlo, patay sa Aksidente sang Salakyan!

Road AccidentSan Dionisio, Iloilo – Tatlo ang napatay sang nagbunggo ang elf truck sa puno sang lubi sa Barangay Cudionan, San Dionisio kahapon.

Lakip sa napatay ang driver nga si Eugene Bandojo Jr, 45 anyos sang Barangay Bayuyan, Estancia kag ang mga kumprador sang isda nga sanday Melody Yu, 35 anyos kag Junely Salvador, 34 anyos, lunsay sang Balud, Masbate.

Pilason naman ang isa pa ka sakay sang elf nga si Ivy Bataga sang Estancia apang luwas na ang kahimtangan.

Ginpahayag nga nag-isi-isi ang truck antes nagbunggo sa puno sang lubi.

Naghalin sa syudad sang Iloilo matapos nag-deliver sang isda ang elf kag pauli na sa Estancia sang natabu ang aksidente. (JoMaque)

Archives, Gallery, News

Related posts

Leave a Comment