Taxi driver nga gintudlo nagtiro patay sa Election Officer sang Dumangas, nakilala na!

Taxi driver nga gintudlo nagtiro patay sa Election Officer sang Dumangas, nakilala na!

Iloilo City — (UPDATE) Nakilala na ang driver sang Melvin Taxi nga gintudlo nagtiro patay kay Raymund Valera, Election Officer sang Dumangas, sa Avanceña, Molo kagab-i. Election Officer patay

Ginkilala ni Chief Inspector Rio Maymay, hepe sang Molo Police Station ang driver nga si Rodney Delos Reyes sang Igbaras.

Wala pa nadakpan si Delos Reyes suno kay Maymay apang nagpasalig ang management sang Melvin Taxi nga i-surrender ini kag i-turnover sa Molo Police Station.

Samtang, yara na sa custody sang Molo Police ang taxi unit nga may body number 0583.

Suno kay Maymay, kilala si Delos Reyes nga pikon nga tawo kag nakaagi man ini drive sa Light of Glory, Welix Taxi kag sa salakyan sang business establishment sang Six-Two Trading.

Ginpahayag nga gin-ipingan ang Isuzu Crosswind nga ginamaneho ni Valera sa Avanceña, Molo kagab-i sang taxi nga ginamaneho ni Delos Reyes kag gintiro.

“Away sa Trapiko”

Ginatudlo nga motibo sa pagtiro patay kay Valera ang away sa trapiko.

Nakita sa CCTV footage suno kay Maymay nga ginlagas sang ginamaneho nga taxi ni Delos Reyes ang salakyan ni Valera.

Sang nag-abot sa gasoline station, gin-ipingan sang taxi ang Isuzu Crosswind kag gintiro ang driver.  (JoMaque)

 

 

 

Archives, Gallery, News

Related posts

Leave a Comment