Taytay nga Nagaangut sa Desamparados Jaro kag Bakhaw Mandurriao, Ginaplano nga Siraduhan

Iloilo City — Pabor ang mga barangay officials sang Bakhaw Mandurriao nga gub-on ang taytay nga nagaangut sa Desamparados Jaro.

Mas maayo kun maguba ukon masiraduhan ang taytay suno kay Bakhaw Mandurriao barangay kagawad Virgilio Soledad agud indi maagyan sang mga drug users ukon pushers nga naga-transaksyon sang illegal nga druga.

Ang pahayag ni Soledad kasunod man sa pagtiro patay sa ginapatihan drug pusher nga si Romy Hisug sang Setyembre 17.

Dapat nga gub-on suno kay Soledad ang taytay bangud mahuyang na ang pundasyon kag delikado na sang mga nagalabay.

Wala pa nakasabat si Desamparados punong barangay Noemi Hablo kun bala sugot siya nga gub-on ang taytay nga naga-angut sa duha ka barangay.  (JoMaque)

Archives, Gallery, News, SlideshowGallery

Related posts

Leave a Comment