Teenager sa Badiangan, patay matapos nagtiro sang iya ulo!
Badiangan, Iloilo–Naghikug paagi sa pagtiro sang kaugalingon ang 17-anyos nga lalaki sa Barangay Bingawa.
Suno kay PO2 Romy Alegante sang Badiangan Police Station, may isa ka igo sa ulo gamit ang 38-caliber revolver ang Grade 12 student sang Janiuay National Comprehensive High School. Ginapang-iyahan sang iya amay ang pusil.
Ginpahayag sang amay nga ginsugid sang manghod sang estudyante nga nagbulagay sila sang iya nobya nga iya man schoolmate. Pero gina-imbestigaran dugang sang mga pulis kon ano gid ang motibo sa pagsuicide sang teenager nga gindala pa sa Iloilo Provincial Hospital apang gindeklarar nga dead-on-arrival. (AGB)