Total revamp sa Iloilo District Jail sa Nanga Pototan, ginatun-an sang BJMP 6

Pototan, Iloilo — Ginatun-an ni Bureau of Jail and Management and Penology 6 Director Rex Delarmente ang posible total revamp sa mga guwardiya sang Iloilo District Jail sa Nanga, Pototan. Apang hulaton ni Atty. Delarmente ang investigation report sang regional office nga nagapangusisa sa kontrobersiya may kaangtanan sa illegal nga druga. Luyag ni Delarmente nga mahibaluan ang kamatuoran kun sin-o ang nagapasulod sang kontrabando sa prisuhan. Ipatawag ni Delarmente ang mga imbestigador agud usisaon kun ano ang nalab-utan sa ila imbestigasyon sa mga priso kag personnel sang Iloilo District Jail. (JoMaque)