Tricycle driver kag Pasahero, Patay; sang Ginyudyod sang Awto sa Oton

Oton, Iloilo — Patay ang driver kag pasahero sang tricycle matapos nabungguan ang mga ini sang awto sa crossing sa Pakiad Oton kagab-i.

Nautod pa ang tiil sang driver nga si Maximo Bucaling, 61 anyos sang Pakiad Oton kag gindeklarar nga dead-on-arrival sa Western Visayas Medical Center.

Napatay naman kaina sang kaagahon ang pasahero nga si Justin Zulla, 22 anyos sang Tuburan Janiuay.

May pilas man sa tuhod ang driver sang awto nga si Demetrio Olivar sang South Fundidor, Molo nga gin-kustodiya sang Oton police.

Ginpahayag nga ginyudyod pa sang awto sang 15 ka metros ang tricycle.

Pakadto sa Mandurriao ang tricycle samtang pakadto sa Molo ang awto sang natabu ang aksidente. (JoMaque)

Archives, Gallery, News, SlideshowGallery

Related posts

Leave a Comment