Untat biyahe sang mga depasahero nga jeep sa syudad, madayon sa Pebrero 27!

Iloilo City–Dayon ang untat biyahe sang mga depasahero nga jeep sa siyudad sa Lunes, Pebrero 27.

Suno kay Raymundo ‘Boyet’ Parcon sang Iloilo City Loop Alliance of Jeepney Owners and Drivers Association ukon ICLAJODA, tubtob subong 95% na sang mga miembro sang ila grupo ang nagpasalig nga mauntat pero nagalaum siya nga madugangan pa ini tubtob malab-ut ang 100% nga pagparalisar sang biyahe sa Lunes. Ginaprotesta sang grupo ang plano sang gobyerno nga pag-phase out sang mga depasahero nga salakyan nga 15-anyos na ang edad halin sang una nga ginparehistro.

Ang untat biyahe magasugod las-6 sa aga tubtob las-6 sa gab-i pero suno kay Parcon, nag-ayo ang city government nga kun mahimo himuon lang nga tubtob las 4:30 sa hapon ang untat biyahe bangud madamo ang ma-apektuhan.

Wala man sang problema suno kay Parcon kun magbiyahe ang iban sugod las-4:30 sa hapon. (AGB)