‘Unusual’ nga gahud sa Coal-fired Power Plant sa Lapaz, ginreklamo!

Iloilo City–Ginreklamo sang mga residente sa Brgy. Ingore, Lapaz ang “unusual” nga gahud pasado alas kwatro kaina sang kaagahun .

Suno kay alyas Jerryl, 21-anyos,  ang gahod nga nabatian ang daw kasubong sang bato nga ginagaling sa blender. Wala nakatulog ang madamo nga residente bangud sang  indi mapaathag ngagahud.

Ginpahayag naman ni Ingore Punong Barangay Jonathan Jalandoni nga gilayon niya ginkadtuan ang coal-fired powerplant sa pagpati nga dire naghalin ang gahod.

Gin-ako naman ni Ms. Myra Montelijao, External Affairs Officer sang PEDC nga naghalin ang gahud sa planta bangud nagka-aberya ang ila makina.  Ginpa-athag sini nga ini ang labing una nga tiun nga naglawig sang halos duha ka oras ang unusual nga gahud halin sa power plant.

Gilayon nga gin-aksyonan ang problema suno kay Ms. Montelijao kag nagpasalig nga indi na masulit. (AGB)

Archives, News, SlideshowGallery

Related posts

Leave a Comment