UPDATE: 10 ka mga gindakup bangud sa pagkutkot sa Camposanto de San Joaquin, nakapiyansa!

San Joaquin, Iloilo–Temporaryo nga nakaguwa sa presuhan ang 10 ka mga ginpatihan treasure hunters nga nadakpan nga nagkutkot sa Camposanto de San Joaquin sang nagligad nga bulan.

Ginkumpirmar ni Inspector Raymund Gemarino sang San Joaquin PNP nga nakapiyansa ang napulo ka mga suspetsado nga may kaso nga paglapas sa Protection of Natural Cultural Heritage Act of 2009 sang Marso 16. Suno kay Gemarino, nag-apply sang surety bond ang mga suspek kabangdanan nagnubo sa tag-P13, 800 ang ginbayaran nila nga piyansa halin sa tag-P40,000 tubtub P50,000.

Wala naman nalakip sa surety bond si Father Nelson Silvela, ang anay kura paroko sang San Joaquin nga gintudlo nagsugo pagkutkot sa Camposanto.

Gin-athag naman ni Gemarino nga padayon ang kaso batuk sa mga suspetsado kag kinahanglan nila nga magpakita sa korte sa tion sang hearing. (Aine Grace Bravo)