(UPDATE) Bana nga gintudlo nagbuno-patay sa iya asawa sa Barotac Nuevo, napasakaan na sang kaso
Barotac Nuevo, Iloilo–Napasaka na ang kaso batuk sa bana nga gintudlo nagbuno-patay sa iya asawa sa Brgy. Agcuyawan Calzada.
Suno kay PCINSP Raymond Celoso, kaso nga parricide ang ginfile batuk kay Carlos, 41-anyos. Multiple injury ang gintunaan sang kamatayun ni Legaya suno kay Celoso base sa resulta sa autopsy sa iya bangkay.
May anum ka pilas ang biktima–tatlo sa likod, duha sa leog kag isa sa dughan. Una na ginpabutyag ni Carlos nga naimpito lang siya bangud pirme lang siya ginasakit kag ginabuyayaw ni Legaya. (AGB)