Update: Councilor Plaridel Nava, nagpanindugan sa akusasyon nga kampo ni Mayor Jed Patrick Mabilog ang nagapanguna sa pagpangampanya batuk sa ila ni Councilor Joshua Alim

Update: Councilor Plaridel Nava, nagpanindugan sa akusasyon nga kampo ni Mayor Jed Patrick Mabilog ang nagapanguna sa pagpangampanya batuk sa ila ni Councilor Joshua Alim
Councilor PLARIDEL C. NAVA II
Councilor PLARIDEL C. NAVA

Iloilo City —  Nagahulag na ang mga kampanya batuk kanday Councilors Joshua Alim kag Plaridel Nava nga nagapa-reelect sa Mayo 9 nga piniliay sa idalum sang United Nationalist Alliance (UNA).

Gin-alegar ni Nava nga may insider sila sa kampo ni Mayor Jed Patrick Mabilog nga gintudlo sini nagapanguna gid sa kampanya agud indi sila pagbotohon ni Alim.

Naga-mapping suno sa konsehal ang grupo ni Mabilog kag ginasunod ang nakadtuan na nila ni alim agud ikampanya naman nga indi sila pagbotohon.

Tatlo ka paagi suno kay Nava ang ginahimo sang administrasyon agud masiguro nga indi sila magdaug ni Alim.

Una na sini gintumod ang Oplan ANA ukon no to ALIM and NAVA kag Oplan capsule sa diin gin-alegar nga may ginapasulod ang kampo ni Mabilog sa grupo ni Nava nga mapakuno-kuno mabulig apang manilag lang sang ila financial capability.

May mandu man suno kay Nava nga pangkakason ang campaign materials nila ni Alim sa kabaranggayan.

“Using government funds”

Atty. Mark Piad
Atty. Mark Piad

Ginpanginwala ni Atty Mark Piad, spokesman ni Mabilog, ang akusasyon ni Nava nga nagagamit sang kwarta halin sa kaban sang syudad ang alkalde kon maghatag sang personal nga bulig sa mga nagapangayo.

Sabat ini ni Piad sa akusasyon ni Nava matapos nga ginpahayag ginbayaran sang alkalde ang hospital bill sang supporter nga barangay kagawad sang konsehal.

Mabudlay suno kay Piad nga magpaguwa sang kwarta halin sa kaban bangud malawig ang proseso.

Ginpa-athag naman ni Piad nga kumpleto na ang mga kandidato sang Liberal Party sa pagka-konsehal gani normal lang nga itib-ung ni Mayor Mabilog ang mga kaupod sini sa partido.

Suno sa abogado, sa facebook lang sini nabasahan ang gin-alegar nga Oplan ANA ukon no to ALIM and NAVA kag Oplan capsule. (JoMaque)

Archives, Gallery, News

Related posts

Leave a Comment