(Update) Dalan nga Ginareklamo sa Jaguimit Dueñas, Gin-aksyonan na ni Mayor Mamerto Pelopero III

Iloilo — Ginpadal-an ni Dueñas Mayor Mamerto Pelopero III sang grader ang Barangay Jaguimit agud makay-o ang tuman ka lain nga kondisyon sang dalan nga ginprotestahan sang mga residente paagi sa pagtibsok sang mga tanum sa alagyan.

Nag-viral sa social media ang mga litrato sang mga pumuluyo nga nagatanum sang palay kag iban pa nga pananum sa karsada.

Suno kay Pelopero, ginkuha sang grader ang lutak kag gintampukan sang dakal-dakal.

Ang provincial road sa Jaguimit ang ginalabayan sang dalagku nga truck sang quarry permittees.

Ginpanindugan ni Pelopero nga wala niya ginapabay-an ang problema.

Ginatinguhaan suno kay Pelopero sang banwa nga mapasulod sa programa sang national government ang pagpa-semento sang karsada. (JoMaque)

Archives, Gallery, News, SlideshowGallery

Related posts

Leave a Comment