Duha na sa mga Armado nga Kalalakihan nga Nagtuyo Magsulod sa Estasyonan sang Aksyon Radyo Iloilo, Nakilala na

Duha na sa mga Armado nga Kalalakihan nga Nagtuyo Magsulod sa Estasyonan sang Aksyon Radyo Iloilo, Nakilala na

12241746_1507360846224861_2097998677244464583_nIloilo City — (UPDATE) Duha na ang nakilala sa mga armado nga kalalakihan nga nagtuyo magsaka sa estasyonan sang Aksyon Radyo Iloilo huwebes sang kaagahon.

Kahapon, una nga gin-identify ni Councilor Plaridel Nava si Monica City Proper Barangay Kagawad Jesus “Jing Jing” Espinosa, Jr. nga isa sa mga nakuhaan sang CCTV footage sang nagtuyo ang mga ini magsaka sa estansyonan.

Si Espinosa suno sa iya ang makit-an sa mga pictures nga upod si Mayor Jed Patrick Mabilog.

Suno kay Nava, kilala gid niya si Espinosa bangud masami man siya nga nagabisita sa barangay.

Ginakwestsyon man ni Nava kun nga a wala gid nagpagguwa sang statement si Mabilog sa pag-atake sa Media Entity sa syudad.

Pag-kahapon naman, ginhingadlan ni Police Senior Inspector Donel Rejis, hepe sang Intelligence Section sang ICPO ang identity sang lalaki nga naga-antipara, naka-shorts, nagasukbit sang pusil kag daw nagpamuno gid sa grupo sang kalalakihan.

Suno kay Rejis, si Melvin Odicta Sr ang nakit-an nga lalaki sa footage.

Si Odicta ang negosyante nga nagapanag-iya sang Paprika kag Melvin Taxi.

Suno kay Rejis, nagconduct sila sang follow-up operation matapos nabaton ang reklamo sang estasyonan. (Nemesio Martirez)

Archives, Gallery, News

Related posts

One thought on “Duha na sa mga Armado nga Kalalakihan nga Nagtuyo Magsulod sa Estasyonan sang Aksyon Radyo Iloilo, Nakilala na

  1. […] City councilor Plaridel Nava, in a November 20 report in the Aksyon Radyo website identified one of the men as Monica City Proper Councilor Jesus […]

Leave a Comment