(UPDATE) Ginatudlo nga finance officer sang identified drug group leader sa Negros, nag-apelar sang proteksyon matapos ginbuyagyag ang mga ginpahayag drug protectors

Negros Island Region–Nag-apelar si Ricky Serenio, ang nadakpan nga high value target drug personality sa Talisay City, kay Police Regional Office 18 Director PCSUPT Renato Gumban kag kay PNP Chief Director General Ronald Dela Rosa nga proteksyonan siya matapos ang iya ginpangbuyagyag.

Suno kay Serenio, wala sang may nagpuwersa sa iya nga magpanugid sang iya mga nahibaluan bangud luyag niya nga matinluan ang iya pangalan. Ginpahayag ni Serenio nga nagaulikid siya sa iya pamilya ilabe na sa apat niya ka kabataan kag nagalaum nga makita pa sila nga makatapos sang pag-eskuwela. Kasunod sang pagkadakup kay Serenio, ginsugid sini ang mga pulis nga ginpahayag iya ginabayaran agud proteheran ang iya aktibidad.

Dugang ni Serenio, naghatag man siya sang payola sa mga taga-PDEA kag NBI, judges, court employees kag duha ka radio anchors sa Bacolod City.

Si Serenio ang gintudlo nga finance officer sang Beria Drug Group. Ginsaysay sini nga nagakuha sang supply ang ila grupo nga ginapamunuan ni Beria Tolentino sa New Bilibir Prison. Apang sang nagamo sa NBP, sa Marawi City na nagkuha sang supply si Tolentino. (AGB)