(UPDATE) Imbestigasyon sa CSWDO, gina-welcome sang head sang opisina

Iloilo City–Gin-welcome ni City Social Welfare and Development Office ukon CSWDO Head Fred Villanueva ang imbestigasyon sang city government sa ginpahayag pagpalasik sang bugas sang amo nga opisina.

Mas maayo ini suno kay Villanueva para mahibaluan kun may kamatuoran ang alegasyon kag makoreheran ang sala. Sang Abril 18,  nagpagguwa sang Executive Order 36 si Mayor Jed Patrick Mabilog kag nagtukod sang ad hoc committee nga amo ang naga-conduct sang inventory sa bugas kag mga goods sa stockroom sang CSWDO sa molo sugod subong nga adlaw. Ang inventory sang ad hoc committee ikumparar sa imbentaryo sang CSWDO agud mahibaluan kun pareho ang records.

Gin-islan naman ang kandado sa stockroom agud malikawan ang anomaliya. Gin-relieve na ang duha ka empleyado sang CSWDO nga sanday Jonathan Celiz kag Edwin Florendo nga lunsay nagpanghiwala nga nagapalasik sila sang bugas.

Sa report, ginpahayag nga gina-deliver ang mga bugas sa mga tiyangge sa Mandurriao kag Lapaz. Ang amo nga mga bugas natigana sa feeding program sa mga daycare centers. (AGB)

 

Archives, News, SlideshowGallery

Related posts

Leave a Comment