Update: Legal counsel ni Mayor Jed Patrick Mabilog-Atty. Mark Piad, wala sang nakita nga libelous sa pahayag sang alkalde batuk sa pamilya Gonzales

Iloilo City — Wala sang nakita nga libelous si Atty. Mark Piad, ang legal counsel ni Mayor Jed Patrick Mabilog, sa pahayag sang alkalde batuk sa pamilya Gonzales.

Kasunod ini sa pag-file sang kaso nga libel ni Dr. Pacita Gonzales, asawa ni the late Justice Secretary Raul Gonzales batuk kay Mabilog.

Nagapati si Piad nga indi libelous ang pahayag ni Mabilog sang gin-interview ini sa blocktime program nga The Daily Guardian on-air sa Aksyon Radyo Iloilo.

Gina-respeto ni Piad ang diretso ni Dr. Gonzales kag atubangon sang alkalde ang kaso sa korte.

Nag-file sang kaso nga libel si Dr. Gonzales matapos ginpahayag ni Mabilog nga ginsuportahan ni PDEA 6-identified top drug personality Melvin Odicta alyas Boyet ang anay tiglikom sang nagpadalagan ini sa pagka-mayor sang 2010 elections.

Gintawag naman ni Dr. Gonzales nga damaging para sa ila pamilya ang ginhimo ni Mabilog bangud gin-ulamid sini ang tawo nga patay na. (JoMaque)