(UPDATE) Love triangle, ginasunod nga motibo sa pagkuha sang 22-anyos nga dala sa Ajuy

Ajuy, Iloilo–Love triangle ang isa sa mga ginasunod nga motibo sa pagkuha sa 22-anyos nga dalaga nga gindala sang duha ka armado nga lalaki halin sa sulod sang ila balay kagab-i.

Suno kay PCI Charlie Sustento, hepe sang Ajuy Police Station, posible nga kilala sang pamilya ni alyas Era ang nagkuha sa iya bangud asta lang sa ilong ang tabon sang mga lalaki nga nagsulod sa ila balay. Ginpadala man kay Era ang iya cellphone kag naka-text pa ini sa iya magulang nga nakapanyapon siya.

Base sa papangusisa sang Ajuy police, gin-ako sang pamilya ni Era nga may karelasyon siya nga may asawa nga negosyante nga taga-Sara. Antes ang insidente, ginpahayag nga nakabaton sang sulat ang pamilya ni Era nga ginapalikaw siya agud wala sang may matabu nga malain.

Wala gihapon nakabalik sa ila balay si Era. (AGB)