(UPDATE) New Lucena Mayor Christian Sorongon, Nag-react sa Resulta sang Imbestigasyon sang IPPO Batuk sa Reklamo ni BM Leicel Seville sa Iya

New Lucena, Iloilo–Sulatan ni Mayor Christian Sorongon ang Iloilo Police Provincial Office kag ang Police Regional Office 6 agud hingyuon nga ikonsiderar ang imbestigasyon batuk sa iya.

May kaangtanan ini sa reklamo ni 2^nd District Board Member Leicel Seville nga may goons ang alkalde matapos ang tension sang ginpahayag nagsulod ini sa opisina ni Sorongon sang Agosto 10. Nadismaya si Mayor Sorongon sang naguwa ang imbestigasyon sang IPPO nga wala man lang suno sa iya makuha ang iya statement sa isyu. Nag-ugat ini sa pag-issue ni Sorongon sang mission order kag pagpa-armas sa iya mga bodyguards.

Suno sa alkalde, ginturn-over lang sa iya ang mga pusil nga wala sang nagaka-igo nga dokumento gani wala siya kahibalo kun sin-o ang nagapanag-iya.

Ginpahayag nga nakalab-ot na sa DILG province ang reklamo ni Board Member Seville batuk kay Sorongon para sa nagakaigo nga aksyon. (AGB)

(Some information from Blocktime Program Ukay-Ukay)