(UPDATE) Pag-install sang CCTV cameras sa Iloilo Fastcraft Terminal, ginakonsiderar sang Philippine Ports Authority

Iloilo City–Ginakonsiderar sang liderato sang Philippine Ports Authority (PPA) ang hingyo sang Department of Tourism (DOT) ang pag-install sang closed-circuit television ukon CCTV cameras kasunod sang ginreklamo sa seguridad sa parking area sang Iloilo Fastcraft Terminal sa Lapuz.

Suno kay Rodel Lagmay, Terminal Supervisor sang PPA, kinahanglan na gid man ang CCTV cameras sa fastcraft terminal. Gin-athag ni Lagmay nga ginproponer na sini ang tikang sa katapusan nga quarter sang 2016 apang wala napa-inan sang budget bangud kulang sila sa pondo. Natalana kuntani baklon ang anum ka CCTV cameras para sa terminal sa balor nga P100,000 apang wala madayon.

Daku naman nga bulig suno kay Lagmay ang ginpadala nga sulat ni DOT 6 Director Atty. Helen Catalbas nga nagahingyo nga aksyonan ang problema bangud makahalit ini sa turismo.

Una na nga nagreklamo ang babaye nga taga-Oton nga ginpakupusan ang goma sang ila salakyan nga ginpark sa compound sang fastcraft terminal. Nagapati ang tagreklamo nga may sinindikato nga ginahimo sa terminal bangud apat pa ka salakyan nga ginbilin sa compound ang nakupusan man sang goma. (AGB)

Archives, News, SlideshowGallery

Related posts

One thought on “(UPDATE) Pag-install sang CCTV cameras sa Iloilo Fastcraft Terminal, ginakonsiderar sang Philippine Ports Authority

  1. David joergen

    Sikyu man na da kag mga tinawo nila gapangupos goma da, gapang sita na da sila nga indi pwede makabilin salakyan. May mandu man na da sa babaw laban. Asta na to sa dumangas port. Gusto na ka mga sikyu gaan mo sila sinkwenta pesos para di ka pakoposan.

Leave a Comment