(UPDATE) Pag-terminate sa kontrata sang contractor sa delayed nga road project sa Jaro, gin-aprubahan sang DPWH 6 director

Ioilo City–Ginsegundahan ni DPWH 6 Director Wenceslao Leaño Jr ang rekomendasyon ni Engineer Rodney Gustilo, head sang DPWH Iloilo City District Engineering Office, nga pag-terminate sa kontrata sang contractor sang delayed road project sa Brgy. Balantang, Jaro.

Suno kay Leaño, si Engr. Gustilo ang yara sa ‘best position’ nga mag-evaluate sa sitwasyon bangud may direkta siya nga ihibalo diri.

Sang Oktubre 13 pa nag-expire ang 12-million peso contract sang ALJ Construction and Supply sa Brgy. Balantang, Jaro.

Base sa report sang ICDEO,naglab-ot sa 89.63% ang negative slippage sang amo nga contractor sang nag-expire ang ila kontrata.

Sa pihak nga bahin, ginbalewala naman ni Director Leañ ang rekomendasyon sang Iloilo City District Engineering Office nga pagreconsider sa pagterminate sa kontrata sang H.F Enterprises kag Audric Construction and Supply nga natapos na ang pag-obra sang ila tagsa ka mga proyekto. (AGB)