(UPDATE) Pamilya sang Ilongga OFW nga nasapwan sa sulod sang freezer sa Kuwait, nanindugan nga nangayo sang bulig sa OWWA

Sara, Iloilo–Nakadangup sa Overseas Workers Welfare Administration Central Office ang pamilya ni Joanna Demafiles, ang Ilongga nga nasapwan sa sulod sang freezer sa Kuwait.  Ini ang ginpabutyag sang iloy nga si Mrs. Eva Demafelis.

Suno sa iya, 2016 pa ulihi nga nagtawag si Joanna sa manghod sini nga si Joyce kag wala na nasundan. Sang ginsugo niya ang iya ikatatlo nga bata nga si Jessica nga magdangup sa OWWA agud hibaluon ang sitwasyon ni Joanna, naghambal ang personnel sang ahensya nga indi lang sila ang nagareklamo nga pamilya sang OFW sa Kuwait. Wala naman sang nahimo ang pamilya Demafiles kundi ang maghulat sang impormasyon halin sa OWWA.

Sang Biernes, Pebrero 9 sang aga sang nagkadtu sa Brgy. Ferraris, Sara ang personnel sang OWWA kag nagpahibalo sang pagkasapo sang bangkay ni Joanna sa sulod sang freezer sa abandonado nga apartment sa Kuwait.

Ginpahayag ni Mrs. Demafelis nga nagpasalig ang OWWA sa ila nga indi sila pagpabay-an kag mabulig sa pagpauli sa bangkay ni Joanna. (AGB)

Archives, News, SlideshowGallery

Related posts

Leave a Comment