Parish Priest sang San Joaquin, Father Nelson Silvela, Nalakip sa mga Ginpasakaan sang Kaso bangud sa Pagkutkot sa Camposanto sa Patyo sa amo nga Banwa

Iloilo City  — Nalakip si Father Nelson Silvela, kura paroko sa simbahan sang San Joaquin, sa mga ginpasakaan sang kaso may kaangtanan sa pagkutkut sang Camposanto sa sementeryo sang nasambit nga banwa.

Gin-basehan ni Inspector Raymond Gemarino sang San Joaquin PNP sa pagpasaka sang kaso kay Silvela amo ang affidavit nanday Purok 1 Punong Barangay Napoleon Secondes kag sepoltorero nga si Billy Savare nga utok ang pari sa pagkutkut sa Camposanto.

Ginpasaka ang kaso kahapon sa Provincial Prosecutors Office batuk kanday Ciferiano Cabo, 57 anyus; Christopher Cabo,27 anyus sang Kirayan Miag-ao; Jimmy Moscoso, 51 anyus; Joven Moscoso 29 anyus sang Durong-an Tigbauan; Andres Dela Cruz, 41 anyus; Bernard Delfin, 47 anyus, RD Arguelles, 40 anyus sang President Roxas Capiz; Lapi Pipol sang Daga Capiz; Arnel Bejo, 57 anyus sang Roxas City kag Boy Caras, 48 anyus sang Marikina City.

Ginpasakaan sila sang kaso nga paglapas sa Republic Act 10066 ukon Protection of Natural Cultural Heritage. (Nemesio Martirez)