(UPDATE) Presentasyon sang PECO sa City Council, nadayon kaina sang aga; apang reklamo sa ginpahayag erroneous billing, wala nalakip sa presentasyon

Iloilo City–Nadayon ang presentasyon sang Panay Electric Company sa City Council kaina sang aga sa pihak sang pagkuwestyun ni Councilor Plaridel Nava.

Gintuyo ni Nava nga i-discourage ang mga kaupod sa konseho sang ginpahanumdom sa ila ang kaso nga gin-file sang PECO bangud sa ginpahayag pag-abuso sa ila legislative power. Sa iya nga privilege speech, ginkuwestyun ni Nava kun anu pa ang rason sang pagpa-athag sang PECO ilabe na nga nagpasar sang resolution ang konseho nga nagapamatok sa pagpa-renew sang franchise sang power distribution utility.

Gintalupangod man sini ang paghiwat sang conference nga wala nasaad sa internal rules sang sangguniang panlungsod. Ma-athag suno sa iya sa rules nga indi puwede maghiwat sang special session kag regular session ang konseho sa sulod lang sang isa ka adlaw.

Gin-athag naman ni Vice Mayor Jeffrey Ganzon nga special meeting ang ila proceedings kag wala ini sang may nakita nga rason agud indi pagpasugtan nga magpresent ang PECO. May kinamatarong suno sa iya nga magpaathag ang PECO sang ila bahin kapareho sang ordinaryo nga taxpayer. (AGB)