UPDATE: Punong Barangay sa Oton, nagpasaka sang kaso batuk sa iya anak nga ginpahayag na-adik sa illegal drugs

Oton, Iloilo–Ginpasakaan sang kaso sang punong barangay sang Tagbac Sur ang iya anak nga ginpahayag adik sa illegal nga druga matapos ginpa-aresto sa mga pulis sang damlag lang.

Kaso nga malicious mischief, grave threats kag paghupot sang illegal drugs ang gin-file ni Punong Barangay Fely Javellana batuk sa anak nga si Andrew Mark Javellana, 27-anyos, kahapon. Suno kay Punong Barangay Javellana, ginpangbuka ni Andrew Mark ang kagamitan sa ila balay matapos naakig nga wala nahatagan sang ginapangayo nga P4,000 kag ginpahog pa siya nga patyon. Ini ang rason kon ngaa ginpadakup sini sa mga pulis ang anak.

Ginpahayag pa ni Javellana nga na-impluwensyahan sang malain nga barkada ang iya anak sang high school. Masami suno sa iya nga nagakadtu sa Tanza Esperanza sa syudad si Andrew Mark agud magroro sang shabu. (Aine Grace Bravo)

Archives, Gallery, News

Related posts

Leave a Comment