(Update) Resolution ni Guimaras Vice Gov. John Edward Gando nga Nagadeklarar kay Mayor Mabilog nga Persona non Grata, Wala nadayon

Iloilo City — Wala nadayon ang plano sang Sangguniang Panlalawigan sang provincial government sang guimaras nga ideklarar nga persona non grata si Mayor Jed Patrick Mabilog sa regular session.

Sa baylo, nahisugtan sang mayoriya nga aprobahan ang resolution nga nagakondenar sa statements ni Mabilog.

Nagatumod ini sa pahayag sang alkalde nga indi pabor ang mga Guimarasnon sa Guimaras-Iloilo Ferry Terminal bangud nahadlok nga may makita sa ila bagahe kun i-agi sa x-ray machine.

Suno kay Vice Governor John Edward Gando, ini ang nadesisyonan sang mayoriya matapos nga nagpangayo sang pasaylo ang alkalde.

Indi man nila luyag nga hambalan nga mapintas bisan nga nag-sorry na si Mabilog.

Nagalaum ang mga opisyal sang Guimaras suno sa iya nga mangin responsable na si Mabilog sa mga ginpangbuy-an niya nga tinaga.

samtang gintawag ni Guimaras Provincial Board Member David Gano nga “BASELESS, UNFOUNDED kag IRRESPONSIBLE” sa statement ni Mabilog.

Sa iya nga privilege speech nga may tigulo “LOOK WHO’S TALKING?”, ginpabutyag ni Gano nga lunsay kabutigan kag espekulasyon ang pahayag ni Mabilog nga may shabu laboratory sa probinsya.

Nnakaapekto suno sa iya ang pahayag ni mabilog sa maayo nga reputasyon sang probinsya. (JoMaque)

Archives, Gallery, News, SlideshowGallery

Related posts

Leave a Comment