Utod sang PDEA 6 identified Drug Group Leader sa Bakhaw Mandurriao, Nadakpan sa Drug bust Operation

Iloilo City — Nadakpan sa drugbust operation ang utod sang PDEA 6 identified drug group leader sa Bakhaw Mandurriao.

Ginkilala ang arestado kay Abelardo Prevendido, 61 anyos sang Bakhaw Mandurriao, nga ginpahayag nabaklan sang balor P3,000 nga suspected shabu.

Suno kay Supt. Ramil Gallardo, chief sang Regional Anti-Illegal Drugs Special Operations Task Group, may nakuha pa gid nga tatlo pa ka medium-sized sachets sang suspected shabu kay Abelardo.

Si Abelardo ang magulang nanday PDEA 6 identified drug group leader Richard Prevendido kag Bakhaw punong barangay Remia Gregori kag ginakabig nga high value target sang mga pulis.

Todo panginwala si Abelardo nga nagabaligya siya sang illegal drugs.

Gindakup kaupod ni Abelardo si Reynante Santiago, 23-anyos.  (JoMaque)