Wanted person nga Ginreklamo sang pila ka Negosyante sang Nagligad nga tuig, nadakpan sa Molo

Iloilo City — Nadakpan sa Molo ang wanted person nga ginreklamo sang nagligad nga tuig sang pila ka negosyante nga nagtonto sa ila.

Arestado si Sharmaine Morata, 29 anyos sang San Isidro Jaro pero temporaryo nga naga-istar sa Merlo Street Sta Barbara.

Si Morata, nagapangatubang sang walo ka counts sang estafa kag nagalab-ut sa 402 mil pesos ang gintalana sang korte nga piyansa para sa iya temporaryo nga kahilwayan.

Si Morata sa madumduman ang gintudlo nga nagpakilala man kay Patricia De Los Reyes.

Gintudlo ini nga nagakuha sang salakyan kag computer units kag ginabilinan sang down payment ang iya biktima pero wala na ginabalikan.

Todo panginwala si Morata sa akusasyon nga miembro siya sang budol-budol nga grupo. (JoMaque)