Wanted person sa San Rafael, Nadakpan sa Lemery!

Iloilo — Ginakabig sang Iloilo Police Provincial Office nga daku nga isda ang nadakpan nga si Francisco Balume, Jr sang Barangay Andres, San Rafael.

Nadakpan si Balume sa Barangay Velasco, Lemery sang gintingub nga puwersa sang PNP 4th Mobile Platoon sa Sara kag San Rafael Police.

Ginpahayag ni Inspector Ruben Perra, OIC Chief of Police sang San Rafael Police Station nga si Balume ang may kaso nga 2 counts of murder;  frustrated murder kag attempted murder.

Gintudlo si Balume nga nagpatay sa bana ni Lemery Mayor Ligaya Apura kag involved man sa pagpatay kanday Robert Magarso sang Sitio Balaticon Passi City kag Ronaldo Estandarte sang Bayuyan Estancia nga mga supporters ni Estancia Mayoralty candidate Melina Requinto.

Napatay sanday Magarso kag Estandarte sa Barangay Pani-an Balasan sang Mayo 8 antes ang Mayo 9 nga eleksyon. (JoMaque)

Archives, Gallery, News, SlideshowGallery

Related posts

Leave a Comment