Poblacion, Oton- Gindeklarar nga patay sang mga doktor sa Western Visayas Medical Center samtang ginabulong ang 26-anyos nga lalaki nga nabun-an sa kafiestahan sang Oton sang Sabado sang gab-i, Disyembre 8.

May pilas sa tiyan kag likod si Philip Caso sang Barangay San Nicolas, Oton nga gintunaan sang iya kamatayon.

Sa imbestigasyon sang Oton Police, ginpalapitan sang ginbanta walo ka lalaki ang biktima, ginsita antes may nagluntad nga komosyon tubtob nga nabun-an.

Ginsapote man sang mga suspetsado ang kaupod sang biktima nga si Rustom Ticao, 21-anyos pero nakapalagyo.

Daan nga hiligut-anon ang ginasunod nga anggulo sang Oton Police sa pagbuno-patay sa biktima bangud ginpahayag nga kilala sang biktima ang mga suspetsado. (JoMaque)