Bangud Sa Ginakay-o Nga Dalan Sa Infante Flyover, Traffic Rerouting Ginpatuman Sang PSTMO

Iloilo City – Nagpatuman sang re-routing ang Public Safety Transportation and Management Office bangud sa ginakay-o nga dalan sa Infante flyover.

Suno kay PSTMO head Jeck Conlu, ang halin sa Arevalo nga salakyan nga mapadulong Diversion Road, maagi sa flyover kag ma-U turn pa-wala sa Insular Life building pakadtu sa Diversion Road. Ang mga salakyan naman halin sa timawa ukon Iloilo Doctor’s Hospital pakadtu sa Arevalo ang puwede pa maka-left turn.

Maagi naman sa flyover ang mga salakyan halin sa provincial capitol bangud pihak lang ang ginakay-o. Ang mga salakyan nga mapadulong sa Arevalo ang kinahanglan nga mag-U turn sa Diversion Road agud makaguwa pabalik sa Arevalo.

Nagpasalig naman si Conlu nga dugangan ang traffic aides sa lugar agud indi magpugok ang trapiko.