Commission on Elections, magatukod sang Task Force Baklas agud mangkakas sang mga poster sang kandidato nga wala ginatapik sa mga common poster area

Commission on Elections, magatukod sang Task Force Baklas agud mangkakas sang mga poster sang kandidato nga wala ginatapik sa mga common poster area

ComelecIloilo City — Magatukod sang Task Force Baklas ang City Comelec agod mangkakas sang mga poster sang kandidato nga wala ginatapik sa common poster area.

Suno kay Assistant City Comelec Officer Jonathan Sayno sang city comelec office, siya ang magaserbi nga chairman sang task force samtang miembro naman ang Philippine National Police kag City Engineering sang Department of Public Works and Highways (DPWH).

Ginpahamtang nga common poster area suno kay Sayno ang Plaza Libertad sa City Proper partikular sa atubang sang JM Basa Street; La Paz Plaza sa atubang sang La Paz Police Station kag Huervana Street; Arevalo Plaza-sa atubang sang Iloilo Supermart, Arevalo District Health Center kag Police Station; Jaro Plaza-atubang sang Ledi Supermart, Andok’s Chicken House, Landbank kag Jaro Police Station; Mandurriao Plaza-sa atubang sang Mandurriao Police Station kag R. Mapa Street; Molo Plaza-sa atubang sang Molo Caltex Station kag Consing Mansion sa Locsin Street; kag sa distrito sang Lapuz sa Rizal Street, Barangay Lapuz Norte sa atubang sang Ro-Ro Terminal.

Magasugod na sa pagpanapik sang poster sang kandidato sa pagka-presidente, bise presidente, mga senador kag party-list group sa Febrero 9 samtang sa Marso 25 naman para sa poster sang mga local candidates.  (JoMaque)

Archives, Gallery, Uncategorized

Related posts

Leave a Comment