State of calamity sa syudad bangud sa kakulangan sang tubig posible ideklarar – CDRRMO Operations Officer Darwin Papa

ILOILO CITY — Posible nga magdeklarar subong nga adlaw sang state of calamity ang Iloilo City Government bangud sa kakulang sang supply sang tubig sa syudad.

Suno kay CDRRMO Operations Officer Darwin Papa, bilog na nga City Proper District ang apektado sa kakulangan sang tubig.

Halin sa 28 ka mga barangays, nagalab-ot na sa 33 tanan ka mga barangay sa syudad ang may problema sa tubig.

Ideklarar na kuntani ang State of Calamity sa syudad sang Martes apang nag-abiso si Mayor Joe Espinosa nga hulaton ang resulta sang assessment sa iban pa nga distrito.

Masapul bwas ang City Disaster Risk Reduction Management Office agud istoryahan ang sitwasyon sa syudad. (JoMaque)