By: Aine Grace Bravo
Kaso nga paghupot kag pagbaligya sang illegal nga druga kag pagmentinar sang drug den ang ipasaka sang Oton police sa duha ka ginpahayag hangkilan nga drug personalities sa banwa nga nadakpan sa buybust operation sa Barangay Cabanbanan kahapon.
Suno kay Inspector Rey Pabalan sang Oton Police Station, ipasaka subong nga adlaw ang kaso batuk kanday Mario Natal alyas Buho, 48-anyos kag Gil dela Cruz, 19-anyos sang Poblacion, Oton. Nabaklan ang mga suspetsado sang balor 500 pesos nga suspected shabu kag sang gin-usisa, nakuhaan pa gid sang duha ka daku nga sachets sang illegal nga druga kag mga drug paraphernalia.
Nagapabilin nga preso sa karsel sang Oton PNP ang mga nagkaladakpan.