By: Jocelyn Gelloagan-Maque
Nagalaum gihapon si Mrs. Josan Sansolis sang Barangay Cuartero, Jaro nga makita nga buhi ang bana nga si Rosilio Sansolis, isa sa mga Ilonggo crew kag motorman sang naglugdang nga Bulk Jupiter cargo vessel sa kadagatan sang Vietnam.
Ginpahayag ni Mrs. Sansolis nga ginapangamuyo niya na lang ang kapalaran sang bana.
Wala man suno sa iya naga-untat sa paghatag sa ila sang update ang Magsaysay Maritime Corporation, ang manning agency sang iya bana.
Magluwas kay Sansolis, sakay man sang cargo vessel ang duha pa ka mga Ilonggo nga sanday Gilbert Flora nga wiper sang barko kag Angelito Rojas nga chief cook.
Si Rojas pa lang ang na-rescue nga buhi samtang padayon ang pagpangita sa 16 ka missing nga crew.