By: Aine Grace Bravo
May gin-appoint na nga duha ka miembro sang Metro Iloilo Water District (MIWD) Board of Directors si Governor Arthur Defensor.
Ginkonfirmar sang gobernador nga ginpili niya sanday Dr. Jessica Salas nga magatiglawas sa women sector kag Atty. Juanito Acanto para sa professional sector. Sanday Acanto kag Salas ang magabulos sa ginbakantehan nga puwesto nanday Engr. Adrian Moncada kag Bernadette Castellano.
Ginpabutyag sang gobernador nga ginhingagaw niya ang pag-appoint sa mga bag-o nga miembro sang MIWD bangud madamo sang problema ang water district nga kinahanglan nga ma-aksyonan sang board of directors. Nagapati ang gobernador nga paagi sa kaalam, integridad kag ikasangkol nanday Acanto kag Salas, makabulig sila sa pagsolbar sa mga problema sang MIWD.