By: Jocelyn Gelloagan-Maque
Duha ang patay kag duha ang pilason sa bunggu-anay sang 10-wheeler kag truck nga may karga nga tubo sa Barangay Bacuranan, siudad sang Passi.
Ginpahayag ni Passi City Chief of Police Superintendent Hector Maestral nga napatay si Michael Jan Mandelejo, 21-anyus sang Barangay Dulay, Maasin kag ang 17-anyus nga solterito.
Napilasan naman sanday Harold Masesado, 29-anyus kag Rexie Mandelejo, 21-anyus sang nasambit nga lugar.
Suno kay Maestral, mabaskog ang impact sa pagbunggo sang truck sa naga-parking nga 10-wheeler truck kabangdanan nga na-ipit ang mga nagapongko sa passenger seat samtang ang driver nga si alyas willy nagsungka sa Maasin Police Station.