By: Aine Grace Bravo
Nakita na ang lalaki nga nadula sang nalunod ang pumpboat sa baybayon sang Isla Gigantes sa Carles sang New Year’s day.
Suno kay Coast Guard-Iloilo station commander Dominador Senador, nakita ang bangkay sang 15-anyos nga si Vicente Bartolome nga naga-utaw-utaw sa baybayon sang Naburot Island. Padayon naman nga ginapangita ang bangkay sang duha pa ka missing nga sanday Anthony Bartolome kag Jay-r Besonio nga una nga nakit-an apang liwat nga nadula matapos nakakas ang ginahigut sa mga ini samtang ginaguyod sang pumpboat.
Una na nakonfirmar nga napatay sa insidente sanday Jesabel Bartolome, 10-anyos; Kristoff John Rualio, duha ka tuig; kag Cristel Jane Rualio. Lima naman ang nakaluwas nga pasahero sang pumpboat.