By: Joy Facinal Fantilaga
Ginhilway sang korte ang mag-utod nga sanday Jan Michael kag Archie Tan sa kaso nga pagpatay sa ila amay nga si Francisco Bobby Tan, step-mother nga si Cynthia Marie Sayco Tan kag step-sister nga si Katrine. Suno sa abogado sang mga akusado nga si Atty Hans Sayno, mabudlay pamatud-an kon sin-o ang una nga ginpatay matapos nasapwan sanday Cynthia kag Katrine sa kwarto ni Archie kabangdanan nga gindismiss ang kaso. Ang paghilway sa mag-utod, indi na ma-apelar suno kay Sayno bangud kon i-apelar mabutang sa double jeopardy ang sitwasyon. Nagmandu man ang korte nga ibalik kanday Jan Michael kag Archie ang ginpiyansa nga 1.2 milyones pesos. Sanday Francisco Bobby Tan, Cynthia kag Katrine nasapwan nga dugu-on tuga sang pagkabuno sa ila balay sa MH del Pilar Molo sang Enero 9 sang kaagahon sang 2006.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply