By: Jocelyn Gelloagan-Maque

Patay na sang gindala sa Guimbal District Hospital ang biktima sang pagkatiro kagab-i.

Ginkilala ang natiruhan kay Nestor Tagacay, 62-anyos sang Barangay Navillan, Tubungan nga nakaangkon sang patal nga igo a balikawang.

Ginpahayag nga nakauna lang sulod sa ila balay ang iya asawa kag anak sang gintiru si Tagacay malapit sa banyo sa gwa sang ila balay.

Suno kay Police Inspector Antonio Monreal, hepe sang Tubungan Police Station, nakasinggit pa si Tagacay nga may nagtiru sa iya antes nga nasapwan nga dugoon sang iya mag-iloy.

Isa ka lupok ang nabatian apang wala sang basiyo sang pusil nga narekober sa crime scene.

At large ang wala pa makilala nga suspetsado kag gina-imbestigaran na sang pulis ang motibo sang insidente.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply