By: Aine Grace Bravo

Gina-establisar pa sang Capiz Police Provincial Office kon ano nga explosive ang naglupok malapit sa eskuwelahan sa Barangay Lantangan, Pontevedra, Capiz kahapon.

Suno kay CPPO Director Sr/Supt Ulysses Caton, nagbulag ang pila ka parte sang lawas sang lalaki nga nakilala kay Jorjan Develos, 37-anyos sang Barangay Tuburan, Maayon, Capiz matapos naglupok ang eksplosibo. Sa initial nga imbestigasyon sang CPPO, ginapanan-aw nga aksidente nga naglupok ang exsplosive bangud sang may ginkuha sa bulsa si Develos, may nahulog nga metal kag gulpi lang nagsigabong.

Ginpahayag ni Caton nga natabuan nga nagahampang kag nagapanyaga ang mga estudyante sa lugar sang natabu ang insidente. Magluwas kay Develos, napatay man ang Grade 1 pupil nga si Serena Grace Demayo, pito ka tuig. Padayon nga ginabulong sa ospital ang 15 pa ka mga biktima nga napilasan.

Indi pa makonfirmar suno kay Caton kon granada ukon improvised explosive device ang nagsigabong.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply