By: Jocelyn Gelloagan-Maque

70 porsyento nga sigurado si Punong Barangay Henry Tumlos sang Barangay Lantangan Pontevedra, Capiz nga granada ang naglupok nga explosive kahapon sa diin duha ang napatay kag 15 ang napilasan.

Apang gin-athag ni Tumlos nga ang taga-scene of the crime operatives lang ang makakonfirmar kon ano ang naglupok malapit sa ila elementary school.

Gin-cordon ang area agud nga indi matandog ang mga ebidensya samtang padayon ang pag-usisa sang mga otoridad kon ano nga eksplosibo ang nagsigabong.

Napatay si Jorjan Develos, 37-anyos sang Maayon, Capiz nga amo ang ginatudlo nagadala sang explosive.

Napatay man ang pito ka tuig nga grade 1 pupil nga si Serena Grace De Mayo samtang 15 ka iban pa ang nasamaran nga gindala sa mga ospital sa Capiz.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply