By: Aine Grace Bravo
Arestado ang 38-anyos nga hubog lalaki nga gintudlo nagpinalupok sang pusil sa atubang sang convenience store sa Quintin Salas, Jaro kaina sang kaagahon.
Ginkilala ang suspek kay Japeth Espinosa. Nakuhaan ini sang 9mm Glock 19 nga pusil, apat ka magazine, jungle knife, gamay nga kutsilyo kag mga bala. Na-recover man sang kapulisan sa lugar ang duha ka empty shells sang 9mm pistol.
Presu na sa karsel sang Jaro Police Station si Espinosa. May nagluntad pa nga pinukutay sa tunga ni Espinosa kag mga pulis nga nagresponder.