By: Aine Grace Bravo
Nangin mabinungahon ang ginpatawag nga hearing sang Land Transportation Franchising and Regulatory Board (LTFRB) upod sa mga transport groups sa syudad, Piston-Panay, mga pamatan-on kag mga senior citizens kahapon may kaangtanan sa fare reduction.
Ginpahayag ni Iloilo City Loop Alliance of Jeepney Operators and Drivers Association (ICLAJODA) President Boyet Parcon nga wala sang may nagpamatuk sa ila petition nga panubuan sang 50 sentimos ang plete sa mga depasahero nga jeep sa syudad. Apang indi pa makonfirmar ni Parcon kun san-o ma-implemetar sang fare reduction bangud indi pa kumpleto ang mga requirements kasubong sang publications.
Samtang, ginpahayag ni Parcon nga kun magnubo na ang plete sa depasahero nga jeep dapat sa syudad, dapat man nga panubuan sang gobyerno sang presyo sang mga nagapanguna nga balaklon kag automotive spare parts.