By: Jocelyn Gelloagan-Maque

Halos wala na nakatulog ang mga taga-Tacloban sa paghulat sa pag-abot ni Pope Francis kaina sang aga.

Sa report ni Aksyon Jimmy Angay-Angay sang Aksyon Radyo Tacloban, ginpahayag nga nagpulaw ang mga taga-Tacloban sa airport para lang makapangita sang maayo nga mapuwestuhan kag view sang santo papa.

Sa pihak sang ulan kag hangin bangud sang bagyo Amang, wala napunggan ang mga pumuluyo sang Tacloban nga nagtambong sa misa nga ginpangunahan ni Pope Francis.

Ginpanghatagan sang raincoats ang mga nagtambong sa misa kag wala ginpasugtan nga magdala sang payong sa venue.

Sa pihak sang malain nga panahon, matalunsay nga natapos ang open-air mass sang santo papa sa Tacloban Airport.

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply