By: Jocelyn Gelloagan-Maque
Nagapati si Pastor Ed Casidsid, Senior Pastor sang Jesus Disciples Church sa Barangay Alaguisoc, Jordan, Guimaras nga ginapatuhoy sa iya ang mensahe sa papel nga naputos sa bato nga ginhaboy sa simbahan.
Suno kay Casidsid, wala man sang iban nga patuhuyuan ang mensahe bangud masaku sa ila trabaho ang iya mga miembro.
Imposible suno kay Casidsid nga nagsala lang ang naghaboy sang bato bangud ma-identify gid nga simbahan ang ila lugar.
Magluwas sa mensahe nga “You will die soon, may bala man sang 38 kalibre nga pusil nga natapik man sa sulod sang papel.
Natabu ang paghaboy sang nagligad nga Huwebes sang kaagahon.